Saga Coastline Germany
Coastline Germany var stofnað í Hamborg, Þýskalandi árið 2008. Stofnendur voru aðilar með margra ára reynslu í sölu sjávarafurða í Evrópu. Starfsemi Coastline Germany felst í inn- og útflutningi ferskra og frystra sjávarafurða til ESB, framhaldsvinnslu þeirra sem og markaðssetningu, sölu og dreifingu til smásöluverslana, heildsala og fiskiðnaðarfyrirtækja, einkum innan ESB.

Fyrirtækið haslaði sér fljótt völl í sölu afurða til smásöluverslana og heildsala og vaxandi umsvif leiddu til þess að það hóf framleiðslu á eigin afurðum.

Fyrirtækið hefur síðan vaxið með auknu samstarfi við framleiðendur fiskafurða, flutningafyrirtæki og dreifingaraðila matvæla.